b
Ferruccio Cainero
Teatro Tragicomico
 
Ferruccio Cainero
 
via Montalbano 6i
CH - 6855  Stabio
 
0041 (0) 91 646 81 52
info@ferrucciocainero.ch
www.ferrucciocainero.ch
 
 
 
Ferruccio Cainero
Ferruccio Cainero es nat l'on 1953 ad Udine e viva daspö l'on 1985 in Tessin. El es cuntschaint in Svizra, Germania, Austria ed Italia sco artist chi dominescha tuot ils registers dal teater. Ultra da quai ha'l lavurà sco autur e redschissur cun differents artists sco p.ex. Gardi Hutter, pro la quala Cainero ha suottascrit sco co-autur e redschissur sias producziuns las plü importantas.

Dürant ils ultims 30 ons ha Cainero scrit e fat la redschia da 40 spectaculs. In seis monologs es Cainero ün artist chi quinta cun bler temperamaint. Seis vocabulari teatral, simpel ma vast, es ourdvart multifari ed as caracterisescha da la tradiziun da la "Commedia dell'Arte". In seis spectaculs spievla'l aspects da la vita quotidiana cun bler umor e sainza sdegnar la critica sociala. In collavuraziun cun Lorenzo Manetti ha Cainero creà plüs spectaculs e chanzuns per uffants, sco p.ex. "Ferruccio & Lorenzo in concerto", ün spectacul da rock chi fa turnea daspö 14 ons in Tessin.

Premis:
-    2008 ha'l tschüf in Germania il considerabel premi internaziunal dal cabaret “Willhelmshavener       Knurrhahn” per predschar sia capacità artistica
-    2006 al 10avel Festival dal Raquint da Graz ha'l survgni il prüm premi "The golden Ear of Graz" sco    meglder raquintader e chantautur al livell mundial
-    2003 ha'l tschüf il remarchabel premi internaziunal pel cabaret "Salzburger Stier"
-    2002 è'l stat premià cul Schweizer Kleinkunst Preis "Goldener Thunfish"

 
.  
.