b
Compagnia Finzi Pasca
teatro
 
Antonio Vergamini
 
Viale Cassarate 4
CH - 6900  Lugano
 
0041 (0) 91 923 28 50
info@finzipasca.com
 
www.finzipasca.com
 
 
 
Compagnia Finzi Pasca
L'on 1983 fundescha Daniele Finzi Pasca il "Teatro Sunil". In stretta collavuraziun cun Maria Bonzanigo e cun seis frar Marco Finzi Pasca sviluppa'l üna retschercha da la tragedia dal clown e dal gest invisibel. Dal 1991 debütescha il spectacul "Icao", ün monolog per ün unic spectatur. Daniele Finzi Pasca til rapreschainta amo hoz in ses linguas.
Dal 1994 fin dal 1996 s'unischan Antonio Vergamini, Dolores Heredia e Hugo Gargiulo a la cumpagnia cuntribuind al svilup. Il "Teatro Sunil" fa la producziun dad üna trentina da spectaculs da teater e da sot chi vegnan preschantats in plü co 25 pajais.
Daspö l'on 2002 vegn dumandà a Daniele Finzi Pasca da realisar progets plü gronds ch'el sviluppa adüna cun tschels commembers da la cumpagnia. Per il "Cirque Eloize" scriva'l e fa'l la redschia da "Nomade", "Rain" e "Nebbia". El creescha per il "Cirque du Soleil" il spectacul "Corteo" ed in seguit scriva'l e fa'l la redschia da la ceremonia da finischiun dals gös olimpics a Turin 2006. Sül chomp da retschercha ha il "Teatro Sunil" collavurà cun plüssas instituziuns e centers universitaris sco la SUPSI da Lugano, la scoula superiura d'art dramatica da Ginevra, il center d'università da retschercha "Lume" da Campinas, l'academia d'art dramatica dad Asuncion, l'università da Copenhagen, l'università federala da Bahia e l'università da Vitòria in Brasilia.

 
.  
.